MyMTV ဝန်ဆောင်မှုကိုအသုံးမပြုမီ ဤစည်းမျဉ်းစည်းကမ်းများကိုသေချာဖတ်ရှု နားလည်သိရှိထားရန် လိုအပ်ပါသည်။

ဤစည်းမျဉ်းစည်းကမ်းများအရ MyMTV ဝန်ဆောင်မှုကို စီမံဆောင်ရွက်လျက်ရှိပါသည်။ သင်သည် MyMTV ဝန်ဆောင်မှုသို့ ဝင်ရောက်အသုံးပြုနေသူဖြစ်ပါက ဤစည်းမျဉ်းစည်းကမ်းများကို သဘောတူလက်ခံပြီး ဖြစ်ကြောင်းအတည်ပြုပါသည်။ ဤစည်းမျဉ်းစည်းကမ်းများ၏ အကြောင်းအရာတစ်ခုခုကို သဘောတူညီမှု မရှိပါက MyMTV ဝန်ဆောင်မှုကို အသုံးပြုနိုင်မည် မဟုတ်ပါ။

ဤစည်းကမ်းချက်များသည် ဝန်ဆောင်မှုပြုလုပ်သူတို့ အချိန်မရွေးပြောင်းလဲနိုင်ပါသည်။ ထိုသို့ပြောင်းလဲမှု တစ်ခုခုပြုလုပ်ပြီးနောက် လူကြီးမင်း၏ထပ်မံအတည်ပြုမှု သို့မဟုတ် လူကြီးမင်းအနေနဲ့ ဝန်ဆောင်မှုအား ဆက်လက်အသုံးပြုမှုသည် ပြင်ဆင်ပြောင်းလဲထားသည့်စည်းကမ်းချက်များကို လက်ခံရာရောက်ပါသည်။

၁။ သုံးစွဲမှုအတွက် ပြည့်မီရမည့် သတ်မှတ်ချက်

ဤဝန်ဆောင်မှုသည် အသက်တစ်ဆယ်ရှစ် (၁၈)နှစ် သို့မဟုတ် ၎င်းအထက်ရှိ (MPT SIM အသုံးပြု နေသည့်) MPT သုံးစွဲသူများအတွက်သာ ရည်ရွယ်ပါသည်။

အကယ်၍လူကြီးမင်းသည် အသက်တစ်ဆယ့်ရှစ် (၁၈)နှစ် အောက်ဖြစ်ပါက ဥပဒေအရမိဘ (သို့မဟုတ်) အုပ်ထိန်းသူခွင့်ပြုချက်ရှိပြီး စည်းကမ်းချက်များကိုချုပ်ဆိုရန် စွမ်းဆောင်ရည်နှင့်အရည်အချင်းအပြည့်အဝ ရှိမှသာလျှင် ဤဝန်ဆောင်မှုကို အသုံးပြုနိုင်ပါမည်။

၂။ အခကြေးငွေ နှင့် အဖိုးအခကောက်ခံခြင်း

လက်ရှိအသုံးပြုလျက်ရှိသော ဝန်ဆောင်မှုသည် စာရင်းပေးသုံးစွဲသောဝန်ဆောင်မှု ရယူထားရန်လိုအပ်ပါသည်။  

အခကြေးငွေ - နေ့စဉ် ဝန်ဆောင်ခ (၉၉) ကျပ် ကျသင့်မည်ဖြစ်ပါသည်။

လူကြီးမင်း၏လက်ကျန်ငွေမလုံလောက်လျှင် အဖိုးအခကောက်ခံမည်မဟုတ်ပါ။ မည်သည့်အကြောင်းကြောင့် ငွေကောက်ခံခြင်းမရှိပါက လူကြီးမင်းအနေဖြင့် ထိုနေ့အတွက်ဝန်ဆောင်မှု အသုံးပြုနိုင်မည်မဟုတ်ပါ။ 

လက်ကျန်ငွေလုံလောက်သည့်အချိန်မှသာ အဖိုးအခကောက်ခံခြင်း နှင့် ဝန်ဆောင်မှုအသုံးပြုခြင်းအား ဆက်လက်လုပ်ဆောင်ပါမည်။ 

နောက်ကြောင်းပြန်၍ ငွေကောက်ခံခြင်းပြုလုပ်မည်မဟုတ်ပါ။ မည်သည့်အကြောင်းကြောင့် ငွေကောက်ခံ ခြင်းမရှိလျှင် ထိုနေ့များအတွက် လူကြီးမင်းထံမှ အဖိုးအခကောက်ခံမည်မဟုတ်ပါ။

လူကြီးမင်းအနေဖြင့် စာရင်းပေးသုံးစွဲမှုကို အတည်ပြုပြီး လူကြီးမင်းကို ငွေကောက်ခံသည့် နေ့မှစ၍ လူကြီး မင်းကို တစ်ဆက်တည်း ရက်ပေါင်း (၉၀) အတွက် ငွေကောက်ခံထားခြင်း မရှိပါက စာရင်းပေးသုံးစွဲမှု အလိုလျောက်ရပ်စဲမည်ဖြစ်သည်။

လူကြီးမင်း၏ အကြောင်းအရာအားရှာဖွေမှုပြုခြင်း နှင့် ဒေါင်းလုတ်လုပ်ခြင်းအတွက် ဒေတာအဖိုးအခ ကျသင့်ပါမည်။ ကောက်ခံမှုအားလုံးတွင် ကုန်သွယ်ခွန် (၅%) ပါဝင်မည်ကို သတိပြုပါ။

ဝန်ဆောင်မှုအတွက် စာရင်းပေးသုံးစွဲခြင်းအပါအဝင် ၎င်းချည်းသာဟုကန့်သတ်မထားဘဲ လူကြီးမင်း၏ မိုဘိုင်း အင်တာနက်ကို မျှဝေသုံးစွဲသည့် တတိယပုဂ္ဂိုလ်တစ်ဦးဦး၏ ပြုမူဆောင်ရွက်ချက် အတွက် လူကြီးမင်းတွင် တာဝန်ရှိပါသည်။

အဆိုပါ စည်းကမ်းချက်များသည် လူကြီးမင်းအနေဖြင့် စာရင်းပေး သုံးစွဲမှုကိုရပ်တန့်ခြင်း သို့မဟုတ် အဆိုပါ စည်းကမ်းချက်များအရ ဝန်ဆောင်မှု အလိုအလျောက်ရပ်စဲခြင်း အချိန်ထိ တရားဝင် တည်ရှိမည်ဖြစ်သည်။